ڈاکٹر نے غلط ٹانگ کاٹ دی اور پھر۔۔ اب ضعیف مریض کس حال میں ہے؟

ڈاکٹرز کو مسیحا کا درجہ دیا جاتا ہے لیکن آسٹریلیا میں ایک افسوسناک واقعہ پیش آیا کہ ایک ضعیف شخص کی ڈاکٹرز اور نرسز نے دوران آپریش غلطی سے بائیں ٹانگ کاٹ دی جبکہ دائیں ٹانگ کاٹنی تھی، ڈاکٹرز سے معمولی یا پھر چھوٹی موٹی غلطی ہونے کی تو توقع کی جا سکتی ہے پر یوں کسی کی جان کے ساتھ کھیل جانے کو ہم غلطی نہیں کہہ سکتے۔

اس ضعیف العمر شخص کی عمر 82سال ہے اور اسے کوئی مرض لاحق تھا جس کے لیے اسے ڈاکٹرز نے ایک ٹانگ کٹوانے کا مشورہ دیا تھا۔

اس واقع پر اسپتال انتظامیہ نے پریس کانفرنس کی جس میں اسپتال ڈائریکٹر نے کہا کہ اس سنگین غلطی پر ہم قوم سے اور ضعیف شخص کی فیملی سے معزرت خواہ ہیں تاہم ان کا مزید کہانا تھا کہ ہم اپنے عملے کے اس معاملے پر انکوائری کروا رہے ہیں، بہت جلد نتائج آپکے سامنے ہوں گے۔

جب عملے سےاس غلطی سے متعلق پوچھا گیا تو انہوں نے کہا کہ ہمیں لگتا ہے کہ یہ غلطی آپریشن سے قبل ٹانگ پہچاننے میں ہوئی اور ہمیں اس غلطی کا اس وقت اندازہ ہوا جب ہم آپریشن کی ہوئی ٹانگ کی پٹی تبدیل کر رہے تھے۔