پاکستانی کرکت ٹیم ہار جائے اور مداح اپنے غصے کا اظہار نہ کریں ایسا ممکن نہیں ہے۔ پاکستان کرکٹ ٹیم بشمول مینجمنٹ تنقید کی زد میں ہوتی ہے۔ وقار ان دنوں پاکستانی شائقین کی شدید تنقید کی زد میں ہیں۔
تنقید کا ایک ایسا ہی واقعہ پاک انگلینڈ کے میچز میں پاکستانی ٹیم کی مسلسل شکست کے باعث سامنے آیا ہے۔
پاک انگلینڈ کے میچز میں شکست پر مداح وقار یونس کو بھی ذمہ دار ٹھرا رہے ہیں۔ اس دوران وقار یونس کی اہلیہ ڈاکٹر فریحہ کا شائقین کی تنقید پر جواب دیتے ہوئے کہنا ہے کہ براہ مہربانی میری فیملی کو گالیاں مت دیں، آپ تنقید کریں مگر میری فیملی کو موت کی بد دعائیں نہ دیں۔ ٹیم کی شکست مایوس کن ہے مگر اس طرح موت کی بد دعائیں دینا صحیح نہیں ہے۔
واضح رہے پاکستانی ٹیم کی انگلینڈ کے ہاتھوں شکست پر پاکستانی ٹیم بشمول مینجمنٹ شدید تنقید کی زد میں ہے۔