اکثر ہم رات کے اوقات میں آسمان پر مختلف قسم کی روشنیاں دیکھتے ہیں جو ہمیں ٹوٹتے ہوئے ستاروں کا اشارہ دکھائی دیتی ہیں۔ ایسا بہت ہی کم دکھائی دیتا ہے لیکن جب ستاروں کے بڑے ٹکڑے آسمان سے ٹوٹ کر زمین پر گرتے ہیں تو وہ کافی خوفناک مناظر پیش کرتے ہیں۔
ایک ایسا ہی منظر ناروے میں حال ہی میں دیکھا گیاکہ جب آسمان ایسے ہی ایک شہاب ثاقب سے چمکدار ہوگیا جیسے دن نکل آیا ہوجسے بہت سے لوگوں نے اپنی آنکھوں سے دیکھا اور وہ مناظر موبائل کیمرے میں بھی محفوظ کرلیے۔
یہ ویڈیو سوشل میڈیا پر کافی وائرل ہورہی ہے اور اسی مناظر کی مختلف ویڈیوز میں دیکھا جاسکتا ہے کہ ایک غیر معمولی طور پر بڑی جسامت کا شہاب ثاقب زمین کی جانب آتا ہے، اس کی روشنی ایک چند سیکنڈز کے لیے پورے شہر میں پھیل جاتی ہے۔
حکام کے مطابق یہ ستارہ دارالحکومت اوسلو کے قریب کہیں گرا ہے۔
شہاب ثاقب کی روشنی اور آواز نے جہاں لوگوں کو حیرت زدہ کردیا وہیں کچھ افراد خوفزدہ بھی ہوگئے۔