فردوس عاشق اعوان کو صوبائی اسمبلی پنجاب کے اندر ایوان میں جانے سے روک دیا گیا، انہیں سیکیورٹی اہلکاروں نے یہ کہتے ہوئے روکا کہ میڈم آپکا نام لسٹ میں نہیں ہے جس پر ڈاکٹر فردوس عاشق اعوان نے اسرار کیا کہ مجھے احسن سلیم بریار کی تقریب حلف برداری میں جانا ہے اس لسٹ میں چیک کرو، تو سیکیورٹی اہلکاروں نے کہا کہ میڈم آپ ہمارے لیے قابل احترام ہیں لیکن اب آپکو ہم اندر نہیں جانے دے سکتے۔
یہ واقعہ صوبائی اسمبلی پنجاب کے گیٹ کے باہر پیش آیا ۔اس موقع پر انہوں نے کہا کہ میرا نام اسمبلی لسٹ میں آنے والں میں شامل ہے پر معلوم نہیں کہ میرا نام کس نے کٹوایا ہے ۔اس کے علاوہ کہا کہ میں احسن سلیم بریار کی تقریب حلف برداری میں آئی تھی پر مجھے نہیں جانے دیا گیا اور میں اپنے زور بازو پر جاتی ہوں کسی کی سفارش پر نہیں۔
واضح رہے کہ اس موقع پر ویڈیو میں صاف دیکھا جا سکتا ہے کہ ڈاکٹر فردوس عاشق اعوان اس موقع پر اچھے موڈ میں تھیں جب انہیں روکا گیا تو انہوں نے شفقت سے سیکیورٹی اہلکار کے سر پر ہاتھ لگایا اور کہا کہ بیٹا کیوں روک رہے ہوں جس پر انہوں نے کہا کہ آپکا نام لسٹ میں موجود نہیں۔