شاہد آفریدی کی پانچ بیٹیاں ہیں جن سے وہ بے حد پیار کرتے ہیں اور وقتاً فوقتاً سوشل میڈیا پر اپنی بیٹیوں سے محبت کا اظہار بھی کرتے رہتے ہیں۔ شاہد آفریدی اپنی ہر بیٹی کو خصوصی وقت دیتے ہیں اور ان کے ساتھ کرکٹ وغیرہ بھی کھیلتے ہیں۔

عجوہ کی سالگرہ

حال ہی میں ان کی تیسرے نمبر کی صاحبزادی عجوہ آفریدی کی سالگرہ تھی جسے شاہد آفریدی نے خوبصورت انداز میں سلیبریٹ کیا اور ایک پیارا سا کیک بھی کاٹا جس پر تتلی بنی ہوئی تھی۔ اس موقع پر شاہد نے اپنی بیٹی کے ساتھ تصویر سوشل میڈیا اکاؤنٹ پر ڈالی اور ساتھ یہ پیغام لکھا کہ “ عجوہ کو سالگرہ مبارک ہو۔ میری تیسری بیٹی جو میری آنکھوں کی ٹھنڈک ہے۔ آج میں بہت خوشی سے گھر آیا تاکہ تمھاری زندگی کے اس خاص دن پر تمھارے ساتھ وقت گزار سکوں۔ میں اللہ سے تمھاری ہر خوشی کے لئے دعاگو ہوں۔ بابا کی طرف سے بہت سارا پیار۔

بیٹیوں کی عزت کرنا لالہ سے سیکھیں

یہ تصویر سوشل میڈیا پر آتے ہی وائرل ہوگئی اور کئی صارفین نے عجوہ کو سالگرہ کی مبارکباد دی۔ ایک صارف نے تو یہ بھی لکھا کہ لوگوں کو چاہئیے کہ وہ بیٹیوں کی عزت کرنا شاہد آفریدی سے سیکھیں۔