بالی ووڈ کے کنگ اور سپر اسٹار شاہ رخ خان کے بیٹے آریان خان نے ممبئی کے ساحل کے قریب ہونے والی پارٹی میں ممنوعہ نشہ آور اشیاء کا استعمال اور لے کر جانے کا اعتراف کر لیا ہے۔
تفصیلات کے مطابق تفتیشی افسر نے جب آریان خان اور ان کے دوست ارباز مرچنٹ سے سوال کیا کہ ان کے پاس نشہ آور اشیاء موجود ہیں؟ اس پر ارباز مرچنٹ نے ان کے پاس چرس موجود ہونے کا اعتراف کیا تھا۔
جبکہ برآمد ہونے والی اشیاء میں سیاہ رنگ کا ایک مادے کی تصدیق کے بعد معلوم ہوا ہے کہ وہ چرس ہے۔ جس کا وزن 6 گرام ہے۔ تاہم دوران تفتیش ارباز مرچنٹ نے بتایا تھا کہ وہ آریان خان کے ساتھ منشیات کا استعمال کرتے رہتے ہیں۔
دوسری جانب دوارن تفتیش آریان خان نے اس بات کا اعتراف کرلیا ہے کہ وہ چرس کا استعمال کرتے ہیں اور کروز شپ میں ہونے والی پارٹی میں وہ ارباز مرچنٹ کے ساتھ منشیات کے استعمال کرنے کے اس منصوبے میں شامل تھے۔
تاہم ایک خبر کے مطابق آریان خان 4 سالوں سے منشیات کا استعمال کررہے ہیں۔
یاد رہے کہ شاہ رخ خان کے بڑے بیٹے آریان خان کو بھارتی نارکوٹکس کنٹرول بیورو (این سی بی) نے نجی پارٹی میں منشیات استعمال کرنے پر، آریان خان سمیت دیگر افراد کو گرفتار کیا گیا تھا۔