سینئر سیاستدان اور وفاقی وزیر داخلہ شیخ رشید احمد نے آج میڈیا سے تفصیلی گفتگو کی، جہاں انہوں نے مختلف معاملات کے حوالے سے میڈیا کا اگاہ کیا۔
وفاقی وزیر داخلہ شیخ رشید احمد کا آج میڈیا سے گفتگو کرتے ہوئے کہنا تھا کہ سول ملٹری تعلقات ٹھیک ہیں، البتہ میں سرکاری بیان دینے کی پوزیشن میں نہیں ہوں۔
کورونا کے جعلی سرٹیفکیٹ کے بارے میں کیے گئے سوال پر وزیر داخلہ کا کہنا تھا کہ این سی او سی کے اقدامات کو متنازع بنانے کی کوشش کی جارہی ہے۔ ان کا مزید کہنا تھا کہ ایف آئی اے کو جعلی سرٹیفکیٹ کے حوالے سے تحقیقات کرنے کا حکم دے دیا گیا ہے، تاکہ جلد گرفتاری کی جاسکے۔
اس کے علاوہ شیخ رشید احمد کا کہنا تھا کہ پاسپورٹ کی فیس میں کمی کرکے 5 ہزار روپے کردی گئی ہے۔ جبکہ دو پاسپورٹ رکھنے والے افراد 30 اکتوبر تک ایک پاسپورٹ سے دستبردار ہوجائیں۔