پاک بھارت کا میچ ہو اور خدا سے دعائیں نہ کی جائیں یہ تو ممکن ہی نہیں ہے اب ظاہر ہے ایک طرف روایتی حریف بُزدل بھارت اور ایک طرف شاہینوں کی اُڑان پھر کیسے لبوں پر پاکستان کی کامیابی کی دعائیں نہ کی جائیں۔ لیکن پاکستان کے میچ میں پاکستانیوں سے زیادہ دعائیں کشمیری بھائیوں نے کی ہیں۔
ٹوئٹر پر صحافی عُبید بھٹی کی جانب سے ایک ویڈیو ششیئر کی گئی جو کچھ ہی گھنٹوں میں بہت زیادہ وائرل ہوئی جس میں دیکھا جاسکتا ہے کہ کیسے ایک کشمیری شہری پاکستان کی فتح کو دیکھ کر خوش ہورہے ہیں اور جوں ہی بابر اعظم ان کو ٹی وی اسکرین پر نظر آئے، اس شخص نے ٹی وی اسکرین ہی چُوم لی۔
لیکن اگر آپ اس ویڈیو کے نیچے بھارتی صارفین کے کمنٹس پڑھیں تو دُکھ ہوگا کیونکہ کشمیری شروع سے ہی پاکستان کے حامی ہیں اور بھارتیوں کو یہ بات گوارہ نہیں۔ امن متھل نامی صارف نے کشمیری شہری کی بابر اعظم سے محبت اور پاکستانی جیت کے والہانہ انداز پر کمنٹ کرتے ہوئے لکھا کہ:''
ٹی وی چومنے سے کشمیر نہیں ملے گا، بھول جاؤ، کرکٹ کا میچ جیتے ہو صرف، کشمیر نہ ملا ہے اور نہ ملے گا۔
''
جس پر ایک صارف نے جواب دیتے ہوئے کہا کہ ظالم کبھی فلاح نہیں پاتا۔ وہیں پوری دنیا میں پاکستان اور بھارت کے میچ میں پاکستان کی جیت پر جشن منائے جا رہے ہیں چاہے وہ پاکستان ہو یا دُبئی، سعودی عرب ہو یا انگلینڈ، یہاں تک کہ آئرلینڈ کی سڑکوں پر بھی ہری روشنیاں جلائی گئیں۔