ٹی ٹوئنٹی ورلڈ کپ میں پاکستان کا آج میچ نیوزی لینڈ سے ہے جس پر سوشل میڈیا صارفین یہ کہنا ہے کہ آج پاکستان انکو بھی بری طرح ہرائے گا اور انکا سیکیورٹی کا مسئلہ حل کر دے گا جس کی وجہ سے یہ آج سے چند ما ہ پہلے پاکستان میں میچ سے چند منٹ پہلے بھاگ گئے تھے کہ ہمیں دھمکیاں مل رہی ہیں۔
اب اس مسئلے پر نیوزی لینڈ کے کپتان کین ولیمسن نے کہا ہے کہ پاکستان ہم سے کوئی بھی رنجش نہ رکھے اور آج کا میچ ہم سے کسی دشمنی میں نہ کھیلے۔ صرف یہی نہیں بلکہ یہ بھی کہا کہ سیریز چھوڑنا شرمناک تھا اور آج کے میچ کو بد لا نہ سمجھا جائے۔دورہ منسوخی پر اور بات کرتے ہوئے کہا کہ ہم نے دورہ حکومت کی ہداہت پر ختم کیا البتہ ایب دونوں بورڈز کے درمیان اچھے تعلقات ہیں۔
گزشتہ روز بھارت کے ساتھ ہونے والے میچ پر بات چیت کرتے ہوئے کہا کہ پاکستان نے بھارت کو متاثر کن انداز میں ہرایا جس کے بعد پاکستانی ٹیم اس ٹورنامنٹ کیلئے فیورٹ بن گئی ہے۔
مزید یہ کہ نیوزی لینڈ کے کپتان کین ولیم سن کا کہنا تھا پاکستان کو اپنی بولنگ کا ایڈوانٹیج ہے یہی وجہ ہے کہ پاکستانی باؤلرز نے بھارتی بلے بازوں کو زیادہ اسکور کرنے نہیں دیا جو دوسری ٹیموں کیلئے خطرے کی گھنٹی ہے۔
خیال رہے کہ پاکستان کا آج کا میچ نیوزی لینڈ کے ساتھ ہے اور یہ پاکستانی ٹیم کا اگلا ہدف سمجھا جا رہا ہے کیونکہ حال ہی میں نیوزی لینڈ کی ٹیم پاکستان میں موجود تھی اور میچ سے چند منٹ قبل میچ کھیلنے سے منع کر دیا کہ انہیں سیکیورٹی خدشات ہیں۔ جس کے باعث پاکستانی کرکٹ بورڈ کو بھی شدید مالی نقصان ہوا اور پاکستان کی بدنامی بھی ہوئی۔
واضح رہے کہ کہ نیوزی لینڈ کے کپتان اس سیریز کا حصہ نہیں تھے جب انکی ٹیم پاکستان آئی تھی بلکہ وہ اس وقت متحدہ عرب امارات(یو اے ای) میں ائی پی ایل کے میچز کیل رہے تھے۔ اور یہ سب باتیں انہوں نے شارجہ میں میچ سے قبل ایک ورچوئل پریس کانفرنس میں کہیں۔