پاکستان کرکٹ ٹیم نے نمیبیا کو بڑا ہدف دے ڈالا ساتھ ہی کپتان بابر اعظم نے بھارت کرکٹ ٹیم کے کپتان ویرات کوہلی سے ایک اور ریکارڈ چھین لیا۔
بابر اعظم بطور کپتان سب سے زیادہ پچاس سے زائد رنز اسکور کرنے والے بلے باز بن گئے ہیں۔
انہوں نے نمیبیا کے خلاف ٹی ٹوئنٹی ورلڈ کپ کے میچ میں نصف سنچری اسکور کی۔
بابر اعظم نے مجموعی طور پر 14 ففٹی پلس اسکور بطور کپتان بنائے۔ علاوہ ازیں پاکستان کے وکٹ کیپر بلے باز محمد رضوان اور بابر اعظم ٹی ٹوئنٹی انٹرنیشنل میچز میں سب سے زیادہ سنچری شراکت بنانے والے کھلاڑی بن گئے۔
خیال رہے آج کے میچ میں پاکستان نے نمیبیا کو جیت کیلئے 190 رنز کا ہدف دیا ہے۔