بھارت خوفزدہ ہے مگر راشد خان نے بھارت کیخلاف میچ سے پہلے افغان عوام سے کیا اپیل کردی؟

بھارت اور افغانستان کا میچ آج ہونے والا ہے جس سے قبل بھارتی سورماؤں پر ورلڈ کپ سے باہر ہونے کی تلوار لٹکی ہوئی ہے چونکہ بھارت نے اب تک کوئی میچ نہیں جیتا ہے اور یہی وجہ ہے کہ خود بھارتی شائقین اپنے کھلاڑیوں کو غیر ذمہ دار قرار دے رہے ہیں اور ان پر تنقید کر رہے ہیں۔

آج کا میچ افغانستان سے ہے اور افغان اسپنر راشد خان نے میچ سے قبل اپنے ٹوئٹر اکاؤنٹ پر ایک ویڈیو شیئر کی ہے جس میں انہوں نے اپنے افغان بھائیوں سے اپیل کی ہے کہ: '' میچ دیکھنے کے لئے سرف وہی لوگ آئیں جن کے پاس ٹکٹ ہیں، کیونکہ گذشتہ میچ میں پورا گراؤنڈ ایسے لوگوں سے بھر چکا تھا جن کے پاس ٹکٹ نہیں تھے جو تیزی سے سوشل میڈیا پر وائرل ہوا، ایسے اچھا نہیں لگتا، میں اسٹیڈیم کے حالات دیکھ کر کافی مایوس ہوا تھا۔ اپنے قومی پرچم کو بلند کرنے اور ملک کا سر فخر سے بلند کرنے کے لیے افغان کرکٹ شائقین کو قوانین کا احترام کرنا ہوگا اور میچ دیکھنے کے لیے ٹکٹ خرید کر ہی اسٹیڈیم میں آنا ہوگا۔ ''

واضح رہے کہ آج کے میچ سے بھی بھارت خوفزدہ ہے اور ٹیم منیجمنٹ کے لوگ اپنی ٹیم کو سمجھاتے ہوئے کہہ رہے ہیں کہ کسی بھی ٹیم کو ہلکا نہ لیں، لیکن کس کی ہوگی جیت اور کون جائے گا ورلڈکپ کی دوڑ سے باہر، جاننے کے لئے hamariweb.com کے ساتھ جُڑے رہیئے۔