عوام کے لیے اچھی خبر آگئی، پیٹرولیم ڈیلرز ایسوسی ایشن کی جانب سے ملک بھر میں ہڑتال ختم کرنے کا اعلان کردیا گیا۔
پیٹر ولیم ڈویژن سے معاملات پانے کے بعد پاکستان پیٹرولیم ڈیلرز ایسوسی ایشن نے ملک بھر میں ہڑتال ختم کرنے کا اعلان کر دیا۔
تفصیلات کے مطابق پیٹرولیم ڈیلرز ایسوسی ایشن اور پیٹرولیم ڈویژن کے درمیان معاملات طےپانے کے بعد پیٹرولیم ڈویژن نے فی لیٹر پیٹرول پر مارجن میں99 پیسے اضافے پر رضامندی ظاہر کی ہے۔
ڈیلرز مارجن میں 25 فیصداضافہ مارجن میں ہونےوالی تاخیر کو کور کرےگا اور ای سی سی میں مارجن 25 فیصد اضافے کو سپورٹ کیا جائے گا۔
پیٹرولیم ڈویژن نے 6 ماہ بعد ڈیلرز مارجن کاجائزہ لینےکی یقین دہانی کرواتے ہوئے کہا ہے کہ ڈیلرز مارجن اضافہ 4.90 روپے فی لیٹر کیا جائے گا۔
مزاکرات طے پانے کے بعد پیٹرولیم ڈیلرز ایسوسی ایشن نے ہڑتال ختم کرنے کا اعلان کرتے ہوئے پیٹرول کی دستیابی یقینی بنانے بھی کہا ہے۔