سردی میں کھانا گرم کرنے کے لئے بار بار چولہا جلانا کوفت میں مبتلا کردیتا ہے اور سوئی گیس کی لوڈ شیڈنگ کی وجہ سے کھانا گرم کرنے کا مسئلہ اور بھی بڑھ گیا ہے۔ لیکن ہم آپ کو ایک ایسی چیز کے بارے میں بتانے جارہے ہیں جس سے آپ کا یہ مسئلہ حل ہوجائے گا۔
الیکٹرک ہاٹ پلیٹ
جیسا کہ نام سے ظاہر ہے یہ ہاٹ پلیٹ بجلی سے چلتی ہے۔ یہ چولہے کی طرح کھانا گرم کرتی ہے لیکن سوئی گیس کے بغیر ہوتی ہے اس لئے اس میں آگ کے بغیر کھانا پکتا ہے۔
اس میں کھانا پک بھی سکتا ہے
الیکٹرک ہاٹ پلیٹ باقاعدہ چولہا نہیں ہے بلکہ ایک پلیٹ ہے جو بجلی کی طاقت سے کھانے کو گرم کرسکتی ہے۔ اس ہاٹ پلیٹ میں اگر چاہیں تو کھانا پکایا بھی جاسکتا ہے لیکن عام چولہے کی نسبت اس میں زیادہ دیر لگ سکتی ہے۔
احتیاط
بجلی سے چلنے کی وجہ سے اس میں اسی طرح کی احتیاط کی ضرورت ہوتی ہے جیسے کہ بجلی کے باقی اپلائینسز میں لیکن ہاٹ پلیٹ بذات خود ایک محفوظ اپلائنس ہے جو کھانا گرم کرنے اور پکانے میں بغیر گیس کے کافی کارآمد ہے۔