کان میں پانی چلا جائے تو بہت بے چین ہوتی ہے اور اکثر لوگوں کو تو باقاعدہ درد بھی ہوتا ہے لیکن اگر کسی کے کان میں کیڑا گھس جائے اور وہ زندہ بھی ہو تو؟
کوئی چیز حرکت کرتی محسوس ہورہی تھی
ایسا ایک واقعہ ہیش آیا نیوزی لینڈ میں رہنے والے زان ویڈنگ کے ساتھ جن کے کان میں کچھ دنوں تک درد ہوا اور کسی چیز کی حرکت محسوس ہوئی تو وہ ڈاکٹر کے پاس گئے۔
کان میں لال بیگ تھا
پہلے پہل تو ڈاکٹر نے یہی سمجھا کہ زان کے کان میں پانی چلا جانے کی وجہ سے ایک کان بند ہوگیا ہے اور درد ہورہا ہے۔ ڈاکٹر نے دوائیں دیں لیکن زان کو ان سے کوئی فائدہ نہیں ہوا تو انھوں نے ای این ٹی سے رجوع کیا۔ ڈاکٹر زان کے کان کا معائنہ کرتے ہوئے اچھل پڑا اور انھیں بتایا کہ ان کے کان میں ایک کیڑا موجود ہے وہ بھی زندہ۔ بعد ازاں وہ کیڑا نکال لیا گیا جو ایک لال بیگ تھا۔ زان نے کیڑے کی تصویر بھی سوشل میڈیا پر شئیر کی ہے۔
[img]