آئینی ادارے اپنی ذمہ داری ادا کریں اور ملک میں الیکشن کرائیں، فرخ حبیب

image

فیصل آباد: پاکستان تحریک انصاف کے مرکزی سیکریٹری اطلاعات و نشریات فرخ حبیب نے مطالبہ کیا ہے کہ آئینی ادارے اپنی ذمہ داری ادا کریں اور ملک میں الیکشن کرائیں، انتخابات کے انعقاد میں جتنی تاخیر ہوگی اتنا پاکستان کا نقصان ہو گا۔

ہم نیوز کے مطابق ایک پریس کانفرنس سے خطاب کرتے ہوئے انہوں ںے الزام عائد کیا کہ حکومت ملک کو قحط کی طرف لے جارہی ہے اور کشمیریوں پر سودے بازی کی جا رہی ہے۔

سابق وفاقی وزیر مملکت برائے اطلاعات و نشریات فرخ حبیب نے کہا کہ لٹیروں اور ڈاکوؤں کی حکومت کا عوام سے کوئی تعلق نہیں، ان کے پاس مقصود چپراسی کے نام پر پیسہ چوری کرنے کے علاوہ کوئی مہارت نہیں۔ انہوں ںے کہا کہ 24 لوگوں پر قتل کا مقدمہ ہے، پاکستان کو مذاق نہ بنایا جائے۔

فرخ حبیب نے کہا کہ عمران خان کے دور میں لوگوں کا علاج مفت شروع ہو رہا تھا، مفتاح اسماعیل کہہ رہا ہے کہ کامیاب پاکستان پروگرام اچھا پروگرام ہے، ہمارے پیکجیز کے باعث ایکسپورت میں 26 فیصد اضافہ ہوا، لارج اسکیل مینوفیکچرنگ میں 26 فیصد اضافہ ہوا۔

انہوں ںے کہا کہ عمران خان کی جان صرف عمران خان کی نہیں 22 کروڑ عوام کی ہے، حکومت سیکیورٹی کے نام پر ٹوپی ڈرامہ نہ کرے، عمران خان امت مسلمہ کی آواز ہیں، عمران خان کی سیکیورٹی پر کمپرومائز نہیں ہونے دیں گے۔

الیکشن تب ہوں گے جب ہمارا قائد نوازشریف لندن سے فیصلہ کرے گا: مریم نواز

ہم نیوز کے مطابق پی ٹی آئی کے مرکزی سیکریٹری اطلاعات فرخ حبیب نے کہا کہ ہم انہیں انتخابات سے بھاگنے نہیں دیں گے، حمزہ شہباز کو ووٹ ڈالنے والے پی ٹی آئی ارکان نااہل ہوں گے، یہ سارے ملک کو لوٹ کر کھا گئے ہیں۔


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.