جانوروں سے متعلق دلچسپ معلومات تو بہت ہیں لیکن سوشل میڈیا پر ایسی کئی ویڈیوز ہیں جو کہ سب کو حیرت میں مبتلا کر دیتی ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سوشل میڈیا پر ایک بوڑھے شخص کی ویڈیو کافی وائرل ہے جس میں اپنے سے کئی فٹ بڑے مگرمچھ سے نبر آزما ہے، ویڈیو میں دکھائی دینے والا شخص لال شرٹ پہنے ہوئے تھا۔
آسٹریلیاء کے سیاحتی پارک کے اونر نے اپنے پارک میں موجود مگر مچھوں سے دوستی اور لگاؤ کو سیاحوں کے ساتھ کچھ اس طرح شئیر کیا کہ سب کی توجہ حاصل کر لی۔
کافی لمبے مگرمچھ نے جیسے ہی لال شرٹ پہنے بوڑھے شخص کو مگر مچھوں کے ایریا میں اترتے دیکھا تو قریب آنے کی کوشش کی، سیاحوں کی آنکھیں چونک گئیں، منہ کھل گیا اور خوف و دہشت عیاں تھی کہ کہیں مگرمچھ بوڑھے شخص کو اپنا شکار ہی نہ بنا لے۔
مگر ہوا کچھ یوں کہ بوڑھے شخص کے ہاتھ میں تھا فرائی پین، بوڑھا فرائی پین ہاتھ میں لیے جب نیچے اترا تو سب کا خیال تھا کہ کہیں نیچے چولہا رکھا ہے یا پھر مگرمچھوں کو کھانا دینے جا رہا ہے۔
مگر رک جائیے جناب آپ کچھ اور نہ سوچئے کیونکہ جس طرح دیسی فیملیز میں مائیں بچوں کو کی پٹائی کے لیے ہینگر کا استعمال کرتی ہیں اسی طرح اس بوڑھے نے فرائی پین سے مگر مچھ کی عقل ٹھکانے لگانے کا طریقہ نکال لیا ہے، جو پُر اثر بھی ہے۔
ویڈیو میں دیکھا جا سکتا ہے کہ فرائی پیش کا پہلا وار ہی مگر مچھ پر پُر اثر تھا جبکہ دوسرے وار نے مگر مچھ کو واپس پلٹنے پر مجبور کر دیا، اور پھر مگرمچھ واپس پانی میں چلا گیا، سوشل میڈیا پر ویڈیو کافی وائرل ہے۔