کل سے کراچی میں ہونے والی تیز بارش کا سلسلہ شہر کے بہت سے علاقوں میں رکا ہی نہیں اور ہلکی تیز بارش مسلسل ہوتی رہی۔ محکمہ موسمیات کے مطابق آج بھی کراچی اور سندھ کے دیگر شہروں میں تیز بارشوں کا سلسلہ جاری رہے گا۔
مسلسل بارشوں نے پہلے ہی کراچی کی سڑکوں کا برا حال کردیا ہے۔ جگہ جگہ کھڈے اور ان میں بھرے پانی کی وجہ سے گاڑی چلانا ناممکن کام ہوگیا ہے۔ مین روڈ ہو یا اندرونی گلیاں سب ی سب تالاب کا منظر پیش کررہی ہیں جنھیں عبور کرنا شہریوں کے بس کی بات نہیں۔
اگرچہ سندھ حکومت نے آج کراچی میں انٹرمیڈیٹ کا ہونے والا پرچہ ملتوی کرنے کے ساتھ تعلیمی ادارے بند رکھے کا اعلان کیا ہے لیکن شہریوں کے لئے اس صورت حال میں دفاتر پہنچنا بھی خاصہ مشکل ہے۔