یہ بات تو ماننی پڑے گی کہ پاکستان میں ایکٹر کرکٹر سے زیادہ سیاست دان مشہور ہیں اور لوگ ان کے بارے میں زیادہ سے زیادہ جاننا چاہتے ہیں۔ ایسے میں کچھ سیاست دان ہیں جو اکثر مختلف مشغلوں کی وجہ سے سرخیوں میں رہتے ہیں اور ان میں سے ہی ایک پاکستان تحریکِ انصاف کی رکن محترمہ ڈاکٹر فردوس عاشق عوان ہیں۔

فردوس عاشق اعوان کبھی کرکٹ کھیلتے نظر آتی ہیں تو کبھی ماربل کی سلیب توڑتے ہوئے، وہ اپنے جارحانہ اور بے باک انداز کی وجہ سے کافی مشہور ہیں اور لوگ انھیں پسند بھی کرتے ہیں، لیکن کیا آپ ان کی ذاتی زندگی کے بارے میں جانتے ہیں؟ فردوس عاشق سے ایک انٹرویو کے دوران ان کی ذاتی زندگی کے متعلق پوچھا گیا تو انھوں نے کیا کہا آئیے آپ کو بتاتے ہیں

شادی اور طلاق:

فردوس عاشق اعوان نے بزنس مین ملک امجد اعوان سے پسند کی شادی کی تھی جس کے کچھ سال بعد انھوں نے طلاق لے لی تھی، جب ان سے پوچھا گیا کہ کیا طلاق کی وجہ سیاست تھی تو انھوں نے کہا کہ "میری سیاست شروع ہی ذات کی نفی سے ہوتی ہے، کوئی بھی شخص جب تک اپنی ذات کی نفی نہیں کرتا وہ دوسروں کیلیئے کھڑا نہیں ہوسکتا۔ میں نے کبھی کسی پر منحصر ہونا نہیں سیکھا اور ہمیشہ یہی سوچا کہ اپنے لیئے جو کرنا ہے مجھے خود ہی کرنا ہے، تبھی میں دوسروں کیلیئے کچھ کر پاؤں گی۔ میں بہت زیادہ خود مختار ہوں" شاید یہی سوچ رشتے کی ناکامی کی وجہ بنی

اکلوتی بیٹی کہاں ہے؟

فردوس عاشق عوان کی بیٹی انکی سگی اولاد نہیں ہے بلکہ وہ گود لی ہوئی بچی ہے، جو اب اُنھی کے ساتھ رہتی ہے۔ انکی بیٹی ابھی (ایم بی بی ایس) فرسٹ ائیر میں ہے، جو آگے چل کر اپنی ماں کی طرح ایک ڈاکٹر بنے گی۔