گزشتہ دنوں اسلام آباد کا سب سے بڑا اور عالیشان مال سینٹورس شاپنگ مال میں آگ بھڑک اٹھی جس پر بہت بار کوشش کر کے قابو پایا گیا۔ لیکن حیرت کی بات یہ ہےکہ انھیں لمحات میں ایک آرٹسٹ کی ایسی حیرت انگیز تصاویر بھی سامنے آرہی ہیں جن میں تقریباً ڈیڑھ ماہ پہلےانھوں نے اتفاقیہ طور پرسینٹورس مال کو جلتا ہوا دکھایا تھا۔

لوگ مجھے بددعائیں دے رہے ہیں

آرٹسٹ سید صائم نے کچھ دنوں پہلے بوریت میں ایسی تصاویر بنا ڈالیں جس میں سینٹورس مال کو جلتا دکھایا گیا تھا۔ یہ تصویر انھوں نے فوٹو شاپ کی مدد سے بنائی تھیں جس کے چند دن بعد ہی 9 اکتوبر کو مال میں حقیقتاً آگ بھڑک اٹھی۔

میں نے یونیورسٹی بھی جلائی تھی

سید صائم اس عجیب و غریب اتفاق کو سال کی سب سے خوفناک چیز قرار دے رہے ہیں۔ ان کا کہنا ہے کہ لوگ ان کی تصاویر کو ری ٹوئٹ کرتے ہوئے انھیں بد دعائیں دے رہے ہیں جیسے کہ یہ سب ان کی وجہ سے ہوا ہو۔ صائم نے مزید کہا کہ انھوں نے اپنی یونیورسٹی کی جلتی ہوئی تصاویر بھی بنائی تھیں اور اب انھیں ڈر لگ رہا ہے کہ ان کی یونیورسٹی کا بھی یہی حال نہ ہوجائے جو کہ مال کا ہوا۔