جوانی میں ہی وہیل چیئر پر آ گیا۔ یہ الفاظ ہیں اس پاکستانی کے جس کی عمر تو ہے 30 سال پر وزن 350 کلو سے بھی زائد ہے۔ ہنستا کھیلتا نوجوان کس طرح ایک دم سے بستر پر آ گیا۔ آئیے جانتے ہیں ہماری ویب کی اس خبر میں۔
ہوا کچھ یوں کہ محمد وسیم نامی نواجون کا وزن 2013 کے بعد اچانک سے بڑھنا شروع ہو گیا مگر اس نے تواجہ نہ دی اور پھر 2019 کے بعد یہ بالکل چارپائی پر پڑ گیا۔ حالت اس قدر خراب ہوئی کہ دوست احباب ساتھ چھوڑ گئے۔ اٹھانے بٹھانے والا کوئی نہ رہا پر بزرگ والدین اور ایک دوست سہارا بن گیا۔
یوں آج سے کچھ دن پہلے ایک ادارے کے تعاون سے ڈاکٹر معاز تک پہنچے جنہوں نے اس کا دواؤں کی مدد سے 50 کلو وزن کم کیا جس کے بعد یہ چھڑی کے سہارا سے خود چلنے پھرنے لگ گیا۔
اب معزز ڈاکٹر صاحب کا کہنا ہے کہ ڈیڑھ سال کے اندر اندر اس شخص کا وزن 80 کلو پر لے آئیں گے انشاء اللہ۔ ابھی تو صرف اس کے معدے کے سائز کو چھوٹا کیا ہے اور اسے آنتوں کے ساتھ جوڑا ہے۔
مشہور نجی ٹی وی کی رپورٹ کے مطابق محمد وسیم کا یہ حال اس وجہ سے ہوا کہ وہ جانور پالتا تھا اور جب اس نے تما م جانور فروخت کر دیے تو اس کے بعد وہ کوئی کام نہیں کرتا تھا، سارا دن گیم ہی کھیلتا اور کھاتا پیتا تھا جس کی وجہ سے اتنا بھاری بھرکم جسم ہو گیا ۔ تاہم اب وسیم کا کہنا ہے کہ وہ بہت خوش ہے اور اسے اب ایک امید کی کرن نظر آئی ہے۔
اور جیسے ہی وہ ٹھیک ہو جائے گا تو والدین کا خیال رکھے گا اور کام کاج دوبارہ سے شروع کر دوں گا یہی نہیں اپنا دہان بھی رکھوں گا، چہل قدمی کروں گا ، کھانے پینے میں احتیاط کروں گا اور ان سب لوگوں سے رابطہ ختم کر دوں گا جو میرے برے وقت میں ساتھ چھوڑ گئے تھے۔