شہر کراچی کے باسیوں کے لیے موسم سے متعلق اچھی خبر سامنے آئی ہے۔
محکمہ موسمیات کی جانب سے کراچی میں سردی کی شدت میں اضافے کی پیشنگوئی کی گئی ہے۔
موسم پر اپنا تجزیہ پیش کرنے والے جواد میمن نے کہا ہے کہ سردی کی لہر نے ملک کے بیشتر حصوں میں اپنا ڈیرہ جما لیا ہے اور ملک کے بالائی حصوں میں سردی کی شدت میں مزید اضافہ ہوگا۔ اس کے علاوہ سندھ میں بھی سردی کی شدت بڑھ جائے گی جب کہ مغر بی ہواؤں کا سسٹم بلوچستان سے نکل چکا ہے۔
کراچی میں موسمی صورتحال سے متعلق جواد میمن نے بتایا کہ کل سے شہر قائد میں شمال سے تیز، خشک اور سرد ہوائیں چلنا شروع ہوں گی اور شہر بھر میں کل سے دن اور رات کےدرجہ حرارت کم ہونا شروع ہوجائیں گے۔
ان کا کہنا تھا کہ کراچی میں اسی ہفتے رات کا درجہ حرارت سنگل ڈیجٹ (Single Digit) میں جاسکتا ہے، رات میں درجہ حرارت 7 سے 9 اور دن میں 23 سے 26 ڈگری تک رہنے کا امکان طاہر کیا ہے۔