سوشل میڈیا پر ان دنوں پاکستان آرمی کے جنرل ریٹائرڈ فیض حمید کی بیٹی کی شادی کا چرچہ ہو رہا ہے۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سابق ڈی جی آئی ایس آئی اور سبق کور کمانڈر بہالپور فیض حمید کی بیٹی کی شادی کی ویڈیو نے سوشل میڈیا صارفین کی توجہ حاصل کر لی ہے۔
ویڈیو میں دیکھا جا سکتا ہے کہ لیفٹیننٹ جنرل ریٹائرڈ فیض حمید اپنی بیٹی کو رخصت کرتے دکھائی دے رہے ہیں، بیٹی کا ہاتھ تھامے والد نے اپنے ہاتھوں سے بیٹی کو رخصت کیا۔
سیاہ لباس پہنے والد ایک طرف بیٹی کو سنبھالے ہوئے تھے، بجکہ دوسری جانب گلابی لباس پہنے خاتون نے دلہن کو سنھبالا ہوا تھا۔
سابق کور کمانڈر کی بیٹی کی شادی ان کی قبل از وقت ریٹائرمنٹ کے بعد ہوئی ہے، تاہم دلچسپ بات یہ بھی ہے کہ اس شادی میں سابق آرمی چیف جنرل باجوہ کی جانب سے بھی شرکت کی گئی تھی، جبکہ سابق ڈی جی آئی ایس پی آر جنرل عاصم سلیم باجوہ نے بھی شرکت کی۔
جبکہ صادق سنجرانی، فواد چوہدری سمیت کئی سیاسی رہنماؤں کی جانب سے بھی شرکت کی گئی۔
شادی کے اس خاص موقع پر فیض حمید کی بیٹی انوشہ چوہدری نے مہرون اور گولڈن رنگ کا شادی کا جوڑا زیب تن کیا ہوا تھا، جس نے سب کی توجہ حاصل کی۔
جبکہ دلہن کی شادی کا کارڈ بھی سوشل میڈیا پر وائرل ہو گیا ہے۔ اس شادی کے کارڈ کی دلچسپ بات یہ تھی کہ یہ سادہ کارڈ دوپہر کی شادی کی دعوت دے رہا تھا، یعنی جہاں ٹرینڈ اب رات کی شادی کا ہے وہیں اس خاص شادی میں خاص مہمانوں کی جانب سے دوپہر کی شادی میں شرکت کی گئی۔