طوطے ہر دوسرے گھر میں دکھائی دیتے ہیں، ان کے چیخنے کی آواز اور ان کا دل کو بھا لینے والا انداز سب کی توجہ حاصل کر ہی لیتا ہے۔
لیکن ہماری ویب ڈاٹ کام کی اس خبر میں آپ کو ان سے متعلق منفرد معلومات فراہم کریں گے۔
ہرے نیلے، مختلف رنگوں کے طوطے جب گھر میں موجود ہوتے ہیں، تو اپنی دلچسپ حرکتوں کی بدولت توجہ حاصل کر لیتے ہیں۔
لیکن ان طوطوں کی قیمتیں بھی کافی زیادہ ہوتی ہیں، یہاں تک کہ لاکھوں روپوں میں طوطے فروخت ہوتے ہیں۔
عام طور پر تو صارفین نے ہرے رنگ کے طوطے ہی دیکھے ہیں، جبکہ چھوٹے رنگ برنگے طوطے بھی گھروں میں موجود ہوتے ہیں، تاہم بڑے سائز کے طوطے اپنی خوبصورتی اور دلچسپ انداز کی بدولت سب کو خوب لبھاتے ہیں۔
دلچسپ بات یہ بھی ہے کہ یہ طوطے اپنی قیمتوں کے ساتھ ساتھ خوراک کی بنا پر بھی جانے جاتے ہیں، شوقین افراد ہی انہیں خریدتے ہیں، کیونکہ ان کی قیمت 1 لاکھ سے 8 لاکھ تک چلی جاتی ہے، بلکہ اس سے بھی زیادہ۔
دوسری جانب یہ طوطے اس لیے بھی کافی توجہ سمیٹ لیتے ہیں کیونکہ ان کی عمر 80 سال تک ہوتی ہے، یعنی ایک عام انسان کی عمر تک یہ طوطے زندہ رہ سکتے ہیں۔
مونگ پھلی کھانے والے یہ طوطے گھریلو ماحول خوب رچ بس جاتے ہیں، جبکہ پیار محبت کی جائے تو پالتو بھی بن ہی جاتے ہیں۔