اسلام کی خوبصورتی ہی یہی ہے لوگ اس کا نام سن کر سکونِ قلب محسوس کرتے ہیں۔ یہ وہ واحد مذہب ہے جس کی غیر مسلم بھی تعریف کرتے ہیں اور اس کے چند احکامات کی پاسداری بھی کرتے ہیں۔
سوشل میڈیا پر آپ نے بہت سے غیر مسلموں کو اسلام قبول کرتے دیکھا ہوگا بالکل ویسے ہی اب ایک اٹلی سے تعلق رکھنے والے غیر مسلم پائلٹ نے بھی اسلام کی دعوت قبول کی اور جب اس نے اسلام مذہب کو جانا تو اپنے آپ کو اس مذہب کو اپنانے سے نہیں روک پایا۔
اٹلی کے پائلٹ کی اسلام قبول کرنے کی ویڈیو نے لوگوں کو خوش کردیا ہے۔ ویڈیو میں دیکھا جا سکتا ہے کہ سعودی عرب میں اٹلی کا ایک پائلٹ موجود ہے جہاں اسے کلمہ پڑھایا جانے لگا ہے۔
غیر مسلم پائلٹ کو ہاتھ باندھے غور سے سب کچھ دیکھ رہا ہوتا ہے کہ جیسے اس کے ساتھ آج بہت الگ ہونے جا رہا ہے۔
سعودی پائلٹ اٹلی کے پائلٹ کو جب کلمہ پڑھانا شروع کرتے ہیں تو وہ پہلے اس کلمے کا انگریزی مطلب پوچھتا ہے جس کے بعد اسے ترجمہ کر کے مطلب سمجھایا جاتا ہے۔ کمرے میں پاس موجود عملے کے لوگ پائلٹ کی اسلام قبول کرنے کی ویڈیو بناتے ہوئے بھی دکھائی دے رہے ہیں۔
اس کے بعد غیر مسلم پائلٹ کو عربی میں کلمہ مکمل کرتا ہے، جس کے بعد وہ سعودی پائلٹ سے گلے لگ کر آبدیدہ ہوجاتا ہے۔