یہاں کی تباہی دیکھ کر میرا دل ٹوٹ گیا ۔۔ زلزلے کی جگہ پر پہنچے تو منظر دیکھ کر رو پڑے، اپنے ہاتھ کا بنا کھانا تقسیم کرتے ہوئے ویڈیو وائرل

شیف کزن براک کو آج سے قبل ہم سب نے ان کی ویڈیوز اور وی لاگز میں ہنستے مسکراتے ہر کسی کے چہرے پر خوشیاں بکھیرتے اور کھانا بناتے دیکھا ہے لیکن آج ترکیہ میں آنے والے خوفناک زلزلے سے جہاں ترکیہ میں ہر آنکھ عشکبار ہے، لوگوں کے گھر ٹوٹ گئے، دل اداس ہے وہیں شیف کزن براک بھی اپنے ہم وطنوں کی حالت اور تباہی کو دیکھ کر رو پڑے۔

ترکیہ اور شام سمیت دیگر ممالک میں خوفناک زلزلے سے بڑی اور اونچی عمارتیں ملبے کا ڈھیر بن گئیں۔ سوشل میڈیا پر شیئر کی جانے والی متاثرہ علاقوں کی تصاویر اور ویڈیوز نے لوگوں کے دلوں کو دہلا دیا۔ شیف براق ازدمیر نے زلزلے سے متاثرہ صوبوں کا دورہ بھی کیا اور امدادی سامان کی بھی تقسیم کیا۔ سوشل میڈیا پر براق نے لکھا کہ ہم نے ہاٹے (Hatay) اور دوسرے متاثرہ صوبوں میں امدادی ٹرک پہنچا دیے۔

انہوں نے اپنے ریستوارن کا تیار کردہ کھانے اور امدادی سامان متاثرہ علاقوں میں پہنچایا اور مدد کے لئے امداد اکٹھی کرنی شروع کر دی ہے۔ براق نے کہا کہ: " میں یہاں ان لوگوں کی مدد کرنے کے لیے ہوں، جنہوں نے اپنا سب کچھ کھو دیا ہے۔ میرا دل ان لوگوں کے لیے ٹوٹ جاتا ہے، اور میں صرف مدد کرنا چاہتا ہوں۔" "