واشنگٹن: امریکہ کے چوہے نے سب سے زیادہ زندہ رہنے کا عالمی ریکارڈ قائم کر دیا۔
غیر ملکی خبر رساں ایجنسی کے مطابق امریکہ کی ریاست کیلیفورنیا کے شہر سین ڈیاگو میں رہنے والے چھوٹے قد کے چوہے نے عمر رسیدہ چوہے کا ریکارڈ اپنے نام کر لیا۔ چوہے کا ریکارڈ گنیز ورلڈ ریکارڈ میں بھی شامل کر لیا گیا ہے۔
پیسیفک پاکٹ چوہا جس کا نام فلم “اسٹار ٹریک” کے اداکار پیٹرک اسٹیورٹ کے نام پر “پیٹ” رکھا گیا ہے۔ اس چوہے کو گزشتہ روز گنیز ورلڈ ریکارڈ کی جانب سے انسانوں کے درمیان زندہ رہنے والا معمر ترین چوہا قرار دیا گیا ہے۔
یہ بھی پڑھیں:
اس چوہے کی عمر 9 سال اور 209 دن بتائی گئی ہے “پیٹ” افزائش نسل کے پروگرام کے ریکارڈ کے مطابق 14 جولائی 2013 کو سین ڈیاگو سفاری پارک میں پیدا ہوا تھا۔
سماجی رابطوں کی ویب سائٹ ٹوئٹر پر سین ڈیاگو وائلڈ لائف الائنس کی جانب سے چوہے کی ویڈیو بھی شیئر کی گئی۔
Enor-mouse news 🐭 At 9 years & 209 days old, Pat the Pacific pocket mouse is officially the oldest living mouse in human care & was honored with the title today. This news is a big win for the tiny endangered species & will help raise awareness about wildlife conservation. pic.twitter.com/poVsw8jqjL
— San Diego Zoo Wildlife Alliance (@sandiegozoo) February 9, 2023