تحریک انصاف کے رہنما فرخ حبیب نے کہا ہے کہ مریم صفدر اتنا جھوٹ بولتی ہے کہ جھوٹ کو شرم آجاتی ہے۔
اپنے بیان میں انہوں نے کہا کہ شہباز شریف حکومت کے 10 ماہ میں مہنگائی کے 50 سالہ ریکارڈ ٹوٹ گیا،برآمدات میں کمی ، آٹا 160 روپے کلو ہوگیا۔
انہوں نے کہا کہ مریم کہتی تھی ایک روپیہ قیمت بڑھتی ہے تو میاں صاحب کا دل خون کے آنسو روتا ہے،اب وہ دل کہاں گیا ہے؟
ان کا کہنا تھا کہ مریم نواز کو کپیٹن ریٹائرڈ صفدر کی باتوں کا صدمہ لگا ہوا ہے،کیپٹن ریٹائرڈ صفدر خود کہہ رہےہیں کہ مریم نواز اگلی وزیراعظم بنتی نظرنہیں آ رہی۔
فرخ حبیب نے کہا کہ پیٹرول پھر 8 سے 10 روپے بڑھنے جارہاہے،مریم صفدر عمران خان پر الزامات کےبجائے کارکردگی پیش کریں۔
انہوں نے کہا کہ آپ نے کہا تھا کہ اسحاق ڈار آئے گا تو ڈالر 200 روپے سے کم ہوجائے گا۔