دنیا بھر میں مسلمان اداکار ہوں یا پھر عام لوگ دونوں کی زندگی میں ہی نکاح بہت اہمیت رکھتا ہے اور پھر شادی ہو جانے کے بعد تو میاں بیوی ایک دوسرے کی عادت و اطوار ،کھانے پینے میں پسند ناپسند سب چیزوں سے واقف ہو جاتے ہیں پر کیا کبھی ایسا ہو سکتا ہے کہ شوہر اپنی ہی اہلیہ کو پہچان نہ پائے۔ ایسا ہی کچھ مشہور اداکار منیب بٹ اور احسن خان کے ساتھ بھی ہوا ہے۔
حال ہی میں منیب بٹ نے اپنی اہلیہ ایمن خان کے ہمراہ ایک شو میں شرکت کی اور ان سے سوال کیا گیا کہ آج تک آپ اہلیہ اور سالی کو پہچاننے میں کتنی مرتبہ پریشانی کا شکار ہوئے ہیں کیونکہ یہ دونوں جڑواں ہیں؟ جس پر منیب کہنے لگے کہ میرے نشانے بہت پکے ہیں، مجھ سے غلطی نہیں ہوتی۔ ہاں یہ کام شادی کی شروعاتی دور میں ہوتا تھا۔
لیکن اہلیہ ایمن نے مسکراتے ہوئے کہا کہ نہیں جی اب بھی ہو جاتا ہے اور تو اور انہوں نے اس بات کا بھی انکشاف کر ڈالا کہ ہم سے زیادہ یہ کام احسن کے ساتھ ہوتا ہے جو مجھ میں اور اپنی بیوی میں فرق نہیں کر پاتا۔
اس کی بھی ایک وجہ ہے کہ وہ ابھی فیملی میں نیا ہے۔ یہی نہیں ان کا کہنا تھا کہ ہم ایک دوسرے کی جگہ فون پر بات کر لیتے ہیں کیونکہ آواز بھی مختلف نہیں ہماری۔
اس کے علاوہ اگر ہمارے فون پر فیس آئی ڈی سے کھلنے والا پاسورڈ لگا ہو تو وہ بھی ایک دوسرے کے فون کا کھول لیتے ہیں، یعنی کہ فون بھی ہمیں پہچان نہیں پاتا،اب یہ معلوم نہیں کہ کیسے ہو جاتا ہے؟
گزشتہ روز ایمن اور منیب کے گھر ایک زوردار دھماکہ بھی سنا گیا تھا ، جس سے ان کے خوابوں کا محل بری طرح متاثر ہوا۔
یہ دھماکہ گیس سلینڈر کا تھا، اس افسوسناک واقعے کے بعد امدادی ٹیمیں ان کے گھر وقت پر پہنچ گئیں، ریسکیو کا عمل شروع کر دیا تاہم خوش قسمتی سے کوئی جانی نقصان نہیں ہوا۔ لیکن اس خبر اس ان کے مداحوں میں تشویش کی لہر ضرور دوڑ گئی تھی۔