آسٹریلین ویمن ٹیم نے چھٹی مرتبہ ٹی 20 ورلڈکپ کا ٹائٹل جیت لیا

image

کیپ ٹاؤن: آسٹریلین ویمن ٹیم نے جنوبی افریقہ کو شکست دے کر چھٹی مرتبہ ٹی ٹوئنٹی ورلڈ کپ جیت لیا۔

کیپ ٹاؤن میں کھیلے گئے ویمن ٹی ٹوئنٹی ورلڈکپ کے فائنل میں آسٹریلیا نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 156 رنز بنائے۔

جنوبی افریقہ میں کھیلے جانے والے میچ میں آسٹریلیا کی جانب سے بیتھ مونی 74 اور ایشلیگ گارڈنر 29 رنز بنا کر نمایاں رہیں جب کہ جنوبی افریقہ کی جانب سے شبنم اسماعیل اور مریزانے کیپ نے دو دو کھلاڑیوں کو آؤٹ کیا۔

157 رنز کے ہدف کے تعاقب میں پروٹیز ٹیم مقررہ 20 اوورز میں 6 وکٹوں کے نقصان پر 137 رنز بنا سکی جس کے نتیجے آسٹریلیا نے میچ 19 رنز سے جیت کر چھٹی مرتبہ ٹی ٹوئنٹی ورلڈکپ کا تاج اپنے سر پہ سجا لیا۔

جنوبی افریقہ کی جانب سے لورا والورٹ 61 اور چولی ٹرایون 25 رنز بنا کر نمایاں رہیں، آسٹریلیا کی بیتھ مونی کو میچ کی بہترین کھلاڑی جب کہ آسٹریلیا کی ایشلیگ گارڈنر کو ٹورنامنٹ کی بہترین کھلاڑی قرار دیا گیا۔


News Source   News Source Text

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.