اس فانی دنیا میں جب انسان کو ایک ثابت قدم بیوی کا ساتھ مل جائے تو پورا گھر مہکتا اور خوشحال ہوتا ہے۔ بالکل ایسا ہی ایک واقعہ آج سے کچھ سال پہلے سعودی عرب میں دیکھا گیا تھا۔ جہاں لوگوں کے ہجوم میں بیوی نے شوہر کی یوں خدمت کی دنیا بھر کے لوگوں کا دل جیت لیا۔
ہوا کچھ یوں کہ اللہ کے پاک گھر کی زیارت کیلئے آیا یہ بزرگ جوڑا میدان عرفات میں موجود تھا تو تھکان کی وجہ سے شوہر کو نیند آنے لگی۔ جس پر وہ اپنی چپل اتار کر وہیں سو گیا لیکن بیوی ہاتھ میں ا یک کپڑا پکڑے ہوئے تھی اور اسے اس سے ہوا دیتی رہی ۔ یہ عمل اس نے تب تک نہ روکا جب تک شوہر نیند پوری کر کے نہ اٹھا۔
یہی نہیں ساتھ ہی ساتھ یہ خاتون نوجوان لڑکیوں کو اس بات کا بھی درس دیتی رہیں کہ یوں شوہر کی خدمت کرنی چاہیے۔ اس دل کو چھو لینے والے منظر کو بہت سے لوگوں نے لائیو دیکھا اور تو اور کافی لوگوں نے تو بوڑھی خاتون کے اس عمل کی تعریف بھی خوب کی۔