قرآن کی تلاوت مسلمانوں کے دلوں کو ایمان کی روشنی سے منور کرتی ہے اور اگر کوئی غیر مسلم اس کی تلاوت سن لے تو وہ بھی پوری توجہ کے ساتھ اسے سننے اور سمجھنے کی کوشش کرتا ہے۔
'ہماری ویب' ڈاٹ کام کے اس آرٹیکل میں آپ کو ایک ایسے غیر مسلم نوجوان کے بارے میں بتانے جا رہے ہیں جس نے اپنی زندگی میں پہلی بار قرآن سنا اور اس کے تاثرات دیکھنے لائق تھے۔
ویڈیو میں دیکھا جا سکتا ہے کہ ایک مسلمان بہن اپنے غیر مسلم بھائی کو سورۃ رحمٰن کی تلاوت سنواتی ہے۔
عمر حشام اعربی کی آواز میں تلاوتِ قرآن پاک شروع ہوتی ہے تو غیر مسلم نوجوان پرسکون ہوجاتا ہے۔ ویڈیو سے قبل وہ قرآن سننے کے لیے کافی بے تاب بھی ہوتا ہے۔
تلاوت جب مکمل ہوجاتی ہے تو اپنی بہن ربیکا سے وہ سوال کرتا ہے کہ اس سب کا کیا مطلب تھا تو وہ اسے بتاتی ہے کہ اس سورۃ میں ہمیں بتایا گیا ہے کہ دنیا اللہ نے انسانوں کے لیے بنائی ہے اور جو کچھ بھی تخلیق کیا وہ بہت خوبصورت ہے۔ اور ہمارے پاس جو کچھ بھی ہے ہمیں اللہ نے دیا ہے۔