قومی کرکٹر اعظم خان نے ہم نیوز کے پروگرام صبح سے آگے میں گفتگو کرتے ہوئے کہا کہ کرکٹ میں توجہ دینے کی ضرورت ہوتی ہے۔
ان کا کہنا تھا کہ وزن کا چھکے مارنے سے کوئی تعلق نہیں،محنت اور توجہ ہر کام کو بہترکرتی ہے۔
والد کی پہچان کی وجہ سے اپنی شناخت کرانے میں مشکل رہی، والد کا جو نام ہے وہ الگ بات ہے مگر اپنی محنت سے نام بنانا الگ ہوتاہے۔
ان کا کہنا تھا کہ معین خان کے بیٹے ہونے کانقصان اور فائدہ دونوں رہا،کرکٹ میں بعض لوگ ابتدامیں کہتے رہے کہ میں معین خان کی وجہ سے آیا۔
اعظم خان کا کہنا تھا کہ موٹاپے کی وجہ سے تنقید برداشت کرتاہوں،والد کو کبھی کبھار مسٹر خان کہہ کر پکارتاہوں۔
ایک سوال کے جواب میں ان کا کہنا تھا کہ خواتین فینز کی جانب سے حوصلہ افزائی کی کالز آتی ہیں۔
2007میں ورلڈ کپ ہارنے پر دل شکستہ ہوگیا تھا، شادی کے متعلق جواب دیتے ہوئے ان کا کہنا تھا کہ ابھی کیریئر پر توجہ ہے،شادی کا نہیں سوچا۔