پی ایس ایل 8 کا دوسرا ایلی مینیٹر میچ بارش سے متاثر ہونے کا امکان پیدا ہو گیا، اہم ترین مقابلے میں لاہور قلندرز اور پشاور زلمی آمنے سامنے ہیں۔
لاہور میں صبح بارش ہونے کے بعد موسم خوشگوار ہو گیا تھا لیکن محکمہ موسمیات نے لاہور میں دوبارہ بارش کی پیش کی ہے جس سے اہم میچ متاثر ہونے کا خدشہ پیدا ہو گیا ہے۔
بارش کی صورت میں اگر میچ مکمل نہیں ہوتا یا اس کا کوئی نتیجہ نہیں نکلتا تو اس کا فائدہ لاہور قلندرز کو ملے گا۔
لاہور قلندرز نے لیگ میچز میں دس میں سے سات میچ جیتے ہیں اور اس کے 14 پوائنٹس ہیں، پشاور نے 10 میچوں میں سے 5 میچ جیتے ہیں اور اس پوائنٹس 10 ہیں۔
اس طرح بارش کی صورت میں لاہور قلندرز فائنل میں پہنچ جائیں گے، جہاں ان کا مقابلہ ملتان سلطانز سے ہو گا۔