شاہین شاہ آفریدی نے اپنی بہترین پرفارمنس اور ٹیم ورک کی شاندار کوششوں سے لاہور قلندر کو پی ایس ایل 8 کا فائنل جتوانے میں بھرپور مدد کی اور یہ وہ پہلی ٹیم ہے جس نے 2 مرتبہ فاتح ہونے کا اعزاز اپنے نام کر لیا۔
شاہین شاہ آفریدی کے ساتھ جیت کا جشن منانے کے لیے ان کی سالی اقصیٰ آفریدی اور بیگم انشاء آفریدی میدان میں پہنچی تو ان کی ویڈیو کسی فین نے دور سے بنا ڈالی، یہ ویڈیو سوشل میڈیا پر بہت تیزی سے وائرل بھی ہو رہی ہے جس میں دیکھا جاسکتا ہے کیسے شاہین نے اپنی بیوی کا دوپٹہ سر سے اُترنے نہ دیا اور خود ہی اس کو پکڑ کر سنبھال لیا۔
شاہین جہاں اپنے دوستانہ اور ہمدردانہ مزاج کی وجہ سے پی ایس ایل میں سب سے زیادہ مشہور ہوئے وہیں ان کا اپنی بیگم سے محبت کا یہ انداز بھی مداحوں کو خوب بھایا۔