پی ٹی آئی کا مینار پاکستان پر 23 مارچ کو جلسہ کرنے پہ غور

image

لاہور: پاکستان تحریک انصاف نے مینار پاکستان پر 22 کے بجائے 23 مارچ کو جلسہ کرنے پہ غور شروع کردیا ہے۔

اس ضمن میں ذمہ دار ذرائع نے بتایا ہے کہ چیئرمین پی ٹی آئی عمران خان اور سابق وزیراعلیٰ پنجاب چودھری پرویز الٰہی کے درمیان ہونے والی ملاقات میں جلسے کی تاریخ پر مشاورت کی گئی ہے۔

ذرائع کے مطابق امکان یہی ہے کہ پی ٹی آئی کی جانب سے مقامی انتظامیہ کو مینار پاکستان پہ 23 مارچ کو جلسہ کرنے کی اجازت کے لیے درخواست دی جائے گی۔

پی ٹی آئی کے ذرائع نے ہم نیوز کو بتایا ہے کہ حکومت نے ابھی تک 22 مارچ کو جلسہ کرنے کی اجازت نہیں دی ہے جب کہ جلسے کے انتظامات کرنے کے لیے بھی کم از کم تین دن درکار ہوں گے۔

واضح رہے کہ پی ٹی آئی کے چیئرمین عمران خان نے گزشتہ روز ویڈیو لنک کے ذریعے خطاب کرتے ہوئے کہا تھا کہ 22 مارچ کو مینار پاکستان پر جلسہ منعقد ہو گا۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.