اردن کی مسلح افواج کے چیئرمین جوائنٹ چیفس آف اسٹاف، میجر جنرل یوسف احمد اے الحنیتی نے جی ایچ کیو راولپنڈی کا دورہ کیا اور چیف آف ڈیفنس اسٹاف فیلڈ مارشل سید عاصم منیر سے ملاقات کی۔
آئی ایس پی آر کے مطابق ملاقات میں باہمی دلچسپی کے امور، علاقائی سیکیورٹی صورتحال اور دفاعی و عسکری تعاون کے فروغ پر تبادلہ خیال کیا گیا۔ اردن کے مہمان نے پاکستان مسلح افواج کی پیشہ ورانہ صلاحیتوں کو سراہتے ہوئے خطے میں امن و استحکام کے لیے ان کے کردار کی تعریف کی۔
فیلڈ مارشل سید عاصم منیر نے اردن کے ساتھ دفاعی تعلقات مزید مضبوط بنانے کے عزم کا اعادہ کیا اور بدلتے سیکیورٹی چیلنجز سے نمٹنے کے لیے مشترکہ کوششوں کی اہمیت پر زور دیا۔ملاقات کے اختتام پر دونوں ممالک نے عسکری تعاون کو مزید گہرا کرنے کا عزم ظاہر کیا۔