زمین کی گردش کا محور حجر اسود پر قائم ہے، خانہ کعبہ میں نصب حجرا سود میں سب سے زیادہ معدنی کشش پائی جاتی ہے، امریکیوں کی تحقیق کے مطابق طواف یا عبادتیں بند کرنے سے اس کی کشش اور افادیت ختم ہوجائیگی۔
ایک مقامی اخبار اور نیوزمین ڈاٹ پی کے نامی ویب سائٹ کی رپورٹ کے مطابق امریکی محقق پروفیسر لارنس جوزف کا کہنا ہے کہ اگر مسلمان کرۂ ارض پر طواف یا عبادتیں کرنا بند کر دیں تو ہماری زمین اپنے معمول کے مطابق گھومنا بند کر دے گی، زمین کا چکر یکلخت رک جائے گا کیونکہ زمین کی گشت کا محور حجر اسود پر قائم ہے، طواف یا عبادتیں بند ہونے سے اس کی کشش اور افادیت ختم ہو جائے گی۔
15 یونیورسٹیوں کی جانب سے کیے گئے ریسرچ کے نتائج سے پتا چلتا ہے کہ حجر اسود میں سب سے زیادہ معدنی کشش پائی جاتی ہے، جو موجودہ دھات سے 23 ہزار گنا طاقت کا حامل ہے، بعض خلا بازوں نے کرۂ ارض سے نہایت ہی روشن چمکتی ہوئی چیز بھی دیکھی ہے۔
تحقیق سے پتا چلا کہ یہ چمکتی ہوئی چیز کعبہ ہے اور اس کا سب سے اہم حصہ حجر اسود ہےاس کی کارکردگی مائیکرو فون کی طرح ہوتی ہے جو ہزاروں میل تک اس کی کشش اور شعائیں پھیلتی ہیں، اس کی لہریں اقطاع عالم میں گشت کرتی رہتی۔
سائنس دانوں کے مطابق زمین کی گردش رکنے کی صورت میں تمام چیزیں مشرق کی طرف اُڑنا شروع کر دیں گی، سمندر میں بڑی لہریں پیدا ہوں گی، زمین جب گھومتی ہے تو اس کے گھومنے سے سمندر کا پانی سمندر میں رہتا ہے لیکن اگر اس کا گھومنا بند ہو جائے تو خطرناک سونامی جنم لیں گے اور پانی مشرق کی طرف چلے گا اور سمندر کے کناروں پر موجود تمام شہر زیر آب آ جائیں گے۔
سائنسدانوں کا کہنا ہے کہ اگر زمین اپنا سفر بند کر دے تو اس کے اوپر ہوا کی رفتار 1100 میل فی گھنٹہ تک پہنچ سکتی ہے جس سے کسی بھی چیز کا زمین پر ٹکنا ناممکن ہوجائے۔ سمندروں کا پانی 2 سمندروں میں اکھٹا ہوجائے گا،آتش فشاں پھوٹ پڑیں گے اور زلزے آئیں گے۔
زمین تقریباً گول ہے اور اس کی وجہ اس کا گول گھومنا ہے لیکن اگر یہ گھومنا بند ہو جائے تو اس کی اوپر والی شکل بدل جائے گی اور یہ گول سے کروی ہوجائے گی۔ زمین کا گھومنا اگر بند ہوجائے تو سُورج صرف نصف کرہ پر چمکے گا اور باقی نصف پر اندھیرا برقرار رہے گا جس سے اندھیرے والا حصہ شدید سرد ہو جائے گا اور جہاں جہاں سُورج چمکے گا وہ حصہ شدید گرم ہوجائے گا۔
مقناطیسی حصار ختم ہوجائے گی، اگر یہ سب کُچھ ہونے کے باوجود بھی لوگ زندہ بچ گئے تو وہ صرف زمین کے سرد اور گرم حصوں کے کناروں پر زندگی کو باقی رکھ پائیں گے اور باقی زمین اُن کے لیے سازگار نہیں رہے گی۔ چاند زمین سے ٹکرا جائے گا، زمین کے رُکتے ہی چاند کی رفتار بھی آہستہ آہستہ رُک جائے گی اور کُچھ عرصے بعد وہ زمین سے ٹکرا جائے گا اور دونوں اپنا وجود کھو دیں گے۔