بارش اتنی تیز کہ نظر آنا کم ہو گیا۔۔ مسجد الحرام میں ہونے والی موسلادھار بارش، عمرہ زائرین عبادت میں لگے رہے، ویڈیو وائرل

سوشل میڈیا پر ان دنوں خانہ کعبہ کی ویڈیوز اور تصاویر سب کی توجہ حاصل کررہی ہیں۔

ہماری ویب ڈاٹ کام کی اس خبر میں آپ کو اسی حوالے سے بتائیں گے۔

مکہ شہر میں ہونے والی برسات نے جہاں سب کی توجہ حاصل کی وہیں مسجد الحرام کی کچھ ایسی ویڈیوز اور تصاویر نے بھی خوب صارفین کو جذباتی کیا، جب عمرہ زائرین بارش کے باوجود اپنی عبادت کو جاری رکھے تھے۔

رات کے اندھیرے میں بادل کچھ اس طرح برسے تھے کہ منظر دلکش اور دلفریب ہو گیا تھا، بارش کی موٹی موٹی بوندیں جہاں سب کو حیران کر رہی تھیں وہیں آنکھوں کے سامنے خانہ کعبہ بھی سب کے اطمینان اور سکون بخش رہا تھا۔

اس ویڈیو میں بھی دیکھا جا سکتا ہے کہ موسلادھار بارش کے باعث جہاں عمرہ زائرین بھی ایک لمحے کو رک گئے وہیں ایک لمحے کو یوں لگ رہا تھا کہ ابھی دکھائی دینا بھی کم ہو جائے گا۔