اس سے صرف موبائل ہی نہیں بلکہ آپ کی جان کو بھی خطرہ ہوسکتا ہے۔۔ امریکی ادارے نے لوگوں کو کس چیز سے خبردار کردیا؟

اکثر لوگ موبائل فون کے بارے میں زیادہ احتیاط نہیں برتتے جس کا نتیجہ یہ نکلتا ہے کہ ان کا ڈیٹا وغیرہ چوری ہوجاتا ہے۔ البتہ امریکی تحقیقاتی ادارے فیڈرل بیورو آف انوسٹی گیشن (آیف بی آئی) کا کہنا ہے کہ عوامی مراکز پر موبائل فون چارج کرنا لوگوں کو بڑے خطروں سے دوچار کرسکتا ہے۔

ادارے نے عوام کو باخبر کرتے ہوئے بتایا ہے کہ شرپسند عناصر نے ایسے سافٹ وئیرز بنا لیے ہیں جن سے فون اور لیپ ٹاپس کو ہیک کرنے کے علاوہ ٹریک بھی کیا جاسکتا ہے اور مالی کے ساتھ جانی نقصان بھی پہنچایا جاسکتا ہے۔ ان عناصر کا بڑا ٹارگٹ عوامی مراکز پر فون اور لیپ ٹاپ چارج کرنے والے لوگ ہیں۔

ایجنسی کا کہنا ہے کہ لوگ چارجر وہی استعمال کریں جو وہ خود خریدتے ہیں اس کے علاوہ مفت چارجنگ اسٹیسشنز کو ہر گز استعمال نہ کریں۔ واضح رہے کہ یہ احتیاط صرف امریکی شہریوں کے لئے نہیں ہے بلکہ اس طرح ہر ملک کے رہنے والے اپنی حفاظت یقینی بنا سکتے ہیں۔