بنگلہ دیش پریمیئر لیگ (بی پی ایل) میں کومیلا وکٹورینز کی مالکن نفیسہ کمال نے پاکستان سپر لیگ (پی ایس ایل) میں ٹیم خریدنے میں دلچسپی کا اظہار کیا ہے۔
بنگلہ دیشی رپورٹر فہیم رحمان کے مطابق نفیسہ ان لوگوں میں شامل ہیں جو پی ایس ایل میں کسی ایک فرنچائز کو حاصل کرنے میں دلچسپی رکھتی ہیں۔
تاہم پاکستان کرکٹ بورڈ (پی سی بی) اور موجودہ چھ فرنچائزز کے درمیان معاہدے کی وجہ سے اگلے دو سیزن کے دوران پی ایس ایل میں اضافی ٹیموں کے ہونے کا امکان نہیں ہے۔
پی ایس ایل میں ٹیموں کی تعداد بڑھانے کا بہت دباؤ ہے لیکن بدقسمتی سے احسان مانی اور رمیز راجہ نے فرنچائزز کے ساتھ معاہدہ کیا کہ اگلے دو سالوں میں صرف چھ ٹیمیں کھیلیں گی۔
علاوہ ازیں بنگلادیشی صحافی کی جانب سے یہ بھی کہا گیا کہ اس سے قبل نفیسہ نے اظہار کیا تھا کہ وہ اپنی فرنچائز کو بڑھانا چاہتی ہیں اور غیر ملکی ٹیم خریدنا چاہتی ہیں۔
اس سے قبل 2021 میں نفیسہ نے پاکستانی اسٹار فاسٹ باؤلر شاہین شاہ آفریدی کو اپنی ٹیم میں لینے کی خواہش ظاہر کی تھی۔