سعودی عرب میں عید جمعے کو ہوگی یا ہفتے کو اس سے متعلق
سعودی عرب کے فلکیاتی مرکز کے سربراہ محمد شوکت نے بتایا ہے کہ سعودی عرب میں جمعرات کو عید کا چاند نظر آنے کا امکان نہیں ہے۔
لہٰذا فلکی حساب سے عید ہفتہ 22 اپریل کو ہوگی۔
لیکن سعودی سپریم کورٹ نے شہریوں سے جمعرات کو عید کا چاند دیکھنے کی اپیل کی ہے۔
ان کا کہنا ہے کہ چاند نظر آنے پر قریبی عدالت میں شہادت درج کرائیں۔ کیونکہ ممکنہ طور پر دونوں صورتیں مدِ نظر رکھی جاسکتی ہیں۔
العریبیہ کی رپورٹ کے مطابق سعودی عرب کی سپریم کورٹ نے ام القری کیلنڈر کے مطابق جمعرات 29 رمضان المبارک 1444 ہجری کی شام شوال کا چاند دیکھنے کیلئے کہہ دیا ہے۔
ریسرچ لیبارٹری کے فلکیاتی حساب کے مطابق رواں سال رمضان المبارک 29 دن کا ہوگا اور ماہ شوال کا آغاز جمعہ 21 اپریل سے ہوگا۔ اس وقت سعودی قوم بھی دو دھڑوں میں بٹی ہوئی ہے لیکن جمعرات کو حتمی فیصلہ سنا دیا جائے گا۔
اگر جمعے کو سعودی عرب میں عید ہوئی تو وہاں 29 روزے ہوں گے لیکن اگر ہفتے کو ہوئی تو رمضان 30 کا ہوگا۔ پاکستان میں بھی عید ہفتے یعنی 22 اپریل کو متوقع ہے۔