عمرہ کے دوران مسجد نبوی ؐ میں ایک پراسرار بزرگ کی ویڈیو ان دنوں پاکستان ہی نہیں بلکہ پورے عرب میں وائرل ہورہی ہے، جہاں کچھ لوگوں کا دعویٰ ہے کہ ان کی شکل اور انداز صحابہ کرام سے ملتا ہے۔
سفید پوش بزرگ کی ویڈیو پورے عرب میڈیا پر ٹرینڈنگ کر رہی ہے، عرب لوگوں کا کہنا ہے کہ ان کی داڑھی، پگڑی عصا چادر لینے کا انداز اور سادگی ایسی ہے کہ جیسے یہ بزرگ صحابہ کرام کے دور سے لوٹ کر آئے ہوں۔
سوشل میڈیا صارفین کا کہنا ہے کہ اس عمر میں بھی اتنا رعب متاثر کن ہے۔ انہیں دیکھ کر ایک رعب اور رقت سی تاری ہو جاتی ہے ، مقامی نیوز چینلز کے مطابق بزرگ کو مدینہ میں دیکھا گیا۔
کچھ لوگوں کا کہنا ہے کہ ان کا تعلق پاکستان کے صوبے بلوچستان کے علاقے ساکران سے ہے اوران کا نام غلام قادر مری بتایا جاتا ہے۔
سوشل میڈیا صارفین کا کہنا ہے کہ یہ بزرگ مسجد نبویؐ میں آخری سلام کررہے تھے کہ کسی ٹک ٹاکر نے ان کی ویڈیو بنا کر سوشل میڈیا پر ڈال دی اور کیپشن کی وجہ سے لوگوں نے اس کو وائرل کردیاجبکہ سفر کے دوران بھی بزرگ کی ٹک ٹاک پر ویڈیو موجود ہیں۔