ایک ساتھ 2 ٹوئلٹ دیکھ کر حیرانی ہو رہی ہوگی اور یقیناً تعجب بھی کر رہے ہوں گے کہ ایسا بھی ہوتا ہے یا ایک ساتھ 2 ٹوائلٹ بھی کوئی بناتا ہے؟ یہ حیران کُن ضرور ہے لیکن جرمنی اور ویسٹ کیلیفورنیا کے کئی ہوٹلوں میں ایسے ہی ٹوائلٹ بنائے گئے ہیں لیکن یہ کوئی نیا اقدام نہیں بلکہ 1991 سے کیا جا رہا ہے اور اس وقت اس کی قیمت 14 سو امریکی ڈالر تھی جو آج 44 ہزار امریکی ڈالر کے قریب پہنچ گئی ہے۔
دراصل ان ٹوائلٹ کو انگریزی اعتبار سے تو ڈبل ٹوائلٹ کہا جاتا ہے لیکن یہ ضروری نہیں کہ ڈبل ٹوائلٹ کوئی جوڑا ہی استعمال کرے، بعض اوقات ایک کمرے میں 3 سے 4 لوگ بھی رہتے ہیں اور ایک ایک کا انتظار کرنے میں وقت درکار ہوتا ہے لہٰذا ایک وقت میں 2 لوگ آسانی سے یہ سہولت حاصل کرلیں۔
ان ڈبل ٹوائلٹ کی خاص بات یہ ہے کہ آپ ایک ہی وقت میں فلش آن کرکے دونوں کو ایک ساتھ صاف کرکے پانی بھی بچا سکتے ہیں اور وقت بھی۔ یہ ٹوائلٹ پہلے تو کسی مزاحیہ پروگرام کی حد تک ہی تھے یعنی فلم میں ان کو متعارف کروای گیا تھا لیکن اب یہ حقیقت میں بھی پائے جاتے ہیں۔
ان کو بنانے کا مقصد ہوٹل کے ایک کمرے کا کرایہ بڑھانا تھا تاکہ وہ لوگ جو ایک سے زیادہ ایک ہی کمرے میں طعام کرتے ہیں ان کی مد میں مکمل پیسوں کی وصولی ہوسکے۔