عید الفطر میں جہاں دنیا بھر کے مسلمان روایتی اور تاریخی چیزوں کو استعمال کرتے ہیں، اور اپنی خوشی کو دوبالا کرتے ہیں۔ ایسے ہی کچھ ایسے بھی ہیں جو کہ دنیا کو حیران کرتے ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
مصر کا نام جیسے ہی ذہن میں آتا ہے، تو فرعون اور اس کی بادشاہت ضرور ذہن میں آتی ہے، جبکہ مصر کے خاص طور پر بنے پیرامڈز بھی سب کی توجہ حاصل کر لیتے ہیں۔
لیکن بہت کم لوگ جانتے ہیں کہ مصر کے مسلمان آج بھی فرعون دور کو یاد رکھے ہوئے ہیں اور اس کی ایک زندہ مثال کاہک Kahk ہے۔
فرعون دور کو عام طور پر ظلم، جبر، انسانیت سوز اور ہر لحاذ سے منفی ظاہر کیا گیا ہے، تاہم اس سب میں مصر کے شہری اور مسلمان خاص کر عید الفطر کے موقع پر فرعون دور کو یاد رکھتے ہیں۔
چھوٹی عید کے موقع پر مصری مسلمان خاص طور پر کاہک نامی ڈش جو مٹھائی سے مشابہت رکھتی ہے، خاص طور پر بناتے ہیں۔
تاریخ دان اور خاص کر مصر کی تاریخ پر گہری نظر رکھنے والی ماگدا ای میہدوے نے اپنی کتاب میں The Pharoah Kicthen میں لکھا ہے کہ کاہک کو بنانے اور خوشی کے موقع پر پیش کرنے کا رواج فرعون دور سے ہوتا آ رہا ہے۔
جبکہ تاریخ دان نے اسی قسم کی ڈش سے مشابہت رکھتی ڈش کی نقش نگاری فرعون کی دیواروں پر بھی دیکھی۔ تھوڑی نمکین، میدے اور چینی سے بنے یہ بسکٹ سالانہ طور پر چھوٹی عید کے لیے خواتین تیار کرتی ہیں۔