بچہ روئے تو والدین پریشان ہوتے ہیں اور ہر قسم کے حربے اپناتے ہیں ان کو منانے کے لیے، خاموش کروانے کے لیے لیکن جاپانی قوم کیونکہ سب سے منفرد ہے یہاں تو بچوں کو رُلانے کا عالمی مقابلہ منعقد کیا جاتا ہے جس میں بچے کو زبردستی رلوایا جاتا ہے اور جو بچہ سب سے پہلے رو دے اس کو فاتح قرار دیا جاتا ہے جس پر والدین بھی فخر کرتے ہیں اور ملک میں دوسرے لوگ بھی۔
دراصل اس مقابلے کا نام ’کرائنگ سومو‘ ہے جو جاپان کے ہر علاقے میں منعقد ہوتے ہیں، انتظامیہ کے مطابق کچھ لوگ اس تہوار پر تنقید کرتے ہیں لیکن جاپانی تہذیب میں جو بچے کھل کر اور چیخ کر روتے ہیں۔
لیکن رُلانے کا مقابلہ منعقد کرنے کی اصل وجہ کیا ہے؟
بچوں کو اس لئے رلایا جاتا ہے کہ اس طرح رونے سے ان کی صحت اچھی رہتی ہے اور وہ مطمئن رہتے ہیں، اس کے لئے بچوں کو باقاعدہ ڈرا کر رلایا جاتا ہے۔ بچوں کو سومو پہلوانوں کا لباس پہنا کر انہیں ڈراؤنے چہرے والے افراد کے سامنے پیش کیا جاتا ہے۔ ریفری باریک لکڑی کا پنکھا ہاتھ میں رکھتا ہے اور جو بچہ پہلے روتا ہے وہی جیت جاتا ہے، ریفری لکڑی کا پنکھا لہرا کر بچے کی جیت کا اعلان کرتا ہے۔