گزشتہ رات کراچی سے لاہور جانے والی کراچی ایکسپریس کی ایک بوگی میں آگ بھڑک اٹھی۔ آگ لگنے کا خوفناک واقعہ خیرپور کے قریب پیش آیا۔ جس میں ایک خاتون سمیت 2 افراد موقع پر ہی جان سے ہاتھ دھو بیٹبء جبکہ 4 بچے لاپتہ ہیں اور ان کی تلاش جاری ہے۔
ڈی ایس ریلوے محمود الرحمن لاکھو کا کہنا ہے کہ جس بوگی میں آگ لگی تھی اسے ٹریک سے ہٹا دیا گیا ہے۔ حادثے کے وقت مسافروں نے ٹرین سے کود کر اپنی جانیں بچائیں۔
ڈی ایس ریلوے کا مزید کہنا تھا کل آگ کراچی ایکسپریس کی بوگی نمبر 4 میں لگی تھی جس کے بعد فائر بریگیڈ کے عملے نے آگ پر قابو پالیا جبکہ بوگی کے اگلے حصے کو خیرپور اور پچھلے کو گمبٹ بھیج دیا گیا۔