عام طور پر فوج سے تعلق رکھنے والوں کو کسی قدر سخت مزاج سمجھا جاتا ہے لیکن اس وقت دنیا بھر میں وائرل ہوتی اس سعودی فوجی خاتون کی تصویر ان تمام باتوں کی نفی کررہی ہے۔

جی ہاں وائرل تصویر میں ایک ننھے سے بچے کو خاتون فوجی کی گود میں سویا ہوا دیکھا جاسکتا ہے۔

تصویر کی حقیقت

واضح رہے کہ یہ تصویر سوڈان میں جاری لڑائی کے دوران لی گئی جس میں سعودی فوجی خاتون نے انسانی ہمدردی کے جذبے سے سرشار ہو کر چھوٹے سے بچے کو گود میں اٹھایا ہوا ہے۔ بچہ جو جانے کب سے سکون کی تلاش میں تھا، خاتون کی گود میں ارد گرد سے غافل ہو کر سوچکا ہے جبکہ گود میں معصوم سے بچے کو تھامے خاتون کے تاثرات پر بھی ممتا کے جذبات دیکھے جاسکتے ہیں۔

سوشل میڈیا صارفین کے دل پگھل گئے

ان فوجی خاتون کا تعلق سوڈان سے جدہ جانے والے بحری جہاز پر سوار وزارت دفاع سے بتایا جارہا ہے جبکہ سوشل میڈیا صارفین خاتون کے ہمدردی، نیکی اور ممتا کے خوبصورت رویے کو سراہ رہے ہیں۔