امیر شخص نے کار کو گدھا گاڑی بنا لیا۔ جی ہاں یہ ایک سچا واقعہ ہے اور یہ حرکت کار مالک کی جانب سے اس لیے کی گئی کہ شوروم والے اسے من پسند کار ٹھیک کر کے نہیں دے رہے تھے۔ اس وجہ سے اس نے انوکھے طرز کااحتجاج کیا۔
اس شخص کا تعلق بھارت کی ریاست راجھستان کے شہر ادےپور سے ہے۔ جس نے 17 لاکھ کی یہ کار گزشتہ روز خریدی مگر اس میں فنی خرابی پیدا ہو گئی۔
اس مسئلے کو لیکر یہ کئی مرتبہ سروس اسٹیشن ڈیلر شاپ گیا مگر وقتی ریلیف کے علاوہ اسے کچھ حاصل نہ ہوا اور مسئلہ اور بھی زیادہ بگڑتا گیا جس کی وجہ سے یہ انوکھا احتجاج کرنے پر مجبور ہو گیا۔
چمکتی دھمکتی گاڑی کے آگے 2 گدھے بندھے دیکھ کر کئی لوگوں کو تو اپنی آنکھوں پر ہی یقین نہ ہوا جبکہ کچھ اس منظر کو کیمرے کی آنکھ میں محفوظ کرتے رہے۔ مزید یہ کہ کار کے مالک راج کمار کا کہنا ہے کہ جب سروس اسٹیشن گاڑی کو لے گیا تو وہ مجھ سے کہنے لگے کہ بیٹری کا مسئلہ ہے آپ گاری کو استعمال کریں، خود بخود ٹھیک ہو جائے گی۔
پر کئی دنوں بعد بھی یہ مسئلہ ٹھیک نہ ہوا تو اب مجھے اس طرح احتجاج کرنا پڑا تاکہ کمپنی اور ڈیلر شپ والوں کو میری مجبوری اور پریشانی کا احساس ہو۔
آخر میں آپکو یہ بھی بتاتے چلیں کہ صرف گاڑی کے ساتھ گدھے ہی نہیں باندھے بلکہ ڈیلر شاپ پر جاتے ہوئے ڈھول ڈھمکا بھی ہوتا رہا۔
اس احتجاج کے بعد ڈیلر شپ کے نمائندے کا کہنا تھا کہ اس شخس نے کار میں کچھ تبدیلیاں کی ہیں جس کی وجہ سے الیکٹریکل خامیاں پیدا ہوئیں۔