نئی ملکہ کمیلا پارکر کو اتوار کے روز تاج پہنایا گیا۔ ملکہ نے سفید رنگ کے لباس کے ساتھ قیمتی ہیروں کا ہار پہن رکھا تھا۔ اس ہار کی خاص بات یہ تھی کہ اس میں جڑے ہیروں کا تعلق پاکستان کے شہر لاہور سے تھا۔

یاہو کی رپورٹ کے مطابق تاجبوشی کے دن ملکہ کمیلا کا پہنا گیا ہار 1858 میں گیرارڈ نامی کمپنی نے بنایا تھا۔ اس میں 25 قیمتی ہیرے شامل ہیں جبکہ درمیان کا بڑا ہیرا 22.48 قیراط کا ہے۔

پاکستان سے کیا تعلق ہے؟

رپورٹ میں بتایا گیا کہ یہ ہیرے تقسیم سے پہلے پنجاب کے خزانے کا حصہ تھے اور 1839 تک لاہور میں موجود تھے۔ البتہ 1851 میب برطانوی قبضے کے بعد ملکہ کے خزانے کا حصہ بن گئے۔

یہ ہار ملکہ وکٹوریہ کا پسندیدہ تھا

واضح رہے کمیلا کا پہنا گیا یہ ہار دراصل ملکہ وکٹوریہ کے لئے بنایا گیا تھا اور انھیں بے حد پسند تھا البتہ ملکہ الزبتھ بھی اکثر اسے خاص موقعوں پر پہنا کرتی تھیں۔