اپنے شوہر کی دوسری شادی کروانا ایک بڑا اور اہم فیصلہ ہے، کوئی بھی عورت یہ نہیں چاہتی کہ اس کا شوہر اس کو چھوڑ کر دوسری عورت کو اپنائے، دوسری شادی کرے۔ لیکن کچھ ایسی بیگمات بھی ہیں جو خود اپنے شوہروں کی دوسری شادیاں کرواتی ہیں، چاہے وہ خوشی سے یہ فیصلہ لیں یا پھر کسی مجبوری کی وجہ سے۔
مصر سے ایک جوڑا سوشل میڈیا کی زینت بنا ہوا ہے۔ جہاں پہلی بیوی نے خوشی خوشی اپنے شوہر کی دوسری شادی کروائی اور خود شادی میں سکرت بھی کی۔ اُمِ مروان نامی خاتون نے اپنے شوہر مؤتاز حلال کی دوسری شادی میں شرکت کرکے سب کو حیران کردیا۔ مؤتاز کی شادی کی تصویر سوشل میڈیا پر وائرل ہو رہی ہے جس میں وہ اپنی پہلی اور دوسری دونوں بیگمات کے ساتھ نظر آ رہے ہیں۔
مؤتاز اور مروان کے ہاں ایک بچے کی پیدائش ہوئی تھی لیکن وہ دنیا سے چلا گیا تھا جس کے بعد مروان جسمانی پیچیدگیوں کے باعث مزید بچوں کی پیدائش نہیں کرسکتیں، لہٰذا شوہر کی دوسری شادی کروانے پر آمادہ ہوگئیں اور خود دلہن کے گھر والوں کے سامنے ہاتھ جوڑ کر رشتہ لے کر گئیں، پہلے منع کیا اور پھر خود ہی شادی کروا دی۔